PGP Sinadura Festa

Akademy-es 2010 jardunaldietan, PGP gakoak dituzten bertaratutakoen artean PGP sinadura festa antolatuko da, PGP konfidantza sarea zabaltzeko aukera izan dezaten.

Nork har dezake parte?

Sinadura Festan parte hartzeko, hurrengo baldintzak betetzea ezinbestekoa izango da:

  • PGP gakoa izatea :-D
  • Gakoa PGP ageriko zerbitzarietan argitaratua egon beharko da.
    • Festan zehar Rediris-en PGP zerbitzaria hartuko da PGP gako zerbitzari erreferentzia gisa: pgp.rediris.es (ikus http://www.rediris.es/keyserver/).
    • Gakoa orain dela gutxi argitaratua izan bada eta PGP zerbitzari guztietan zehar hedatu dela ezin bada bermatu, ageriko PGP gakoa Rediris-en PGP gako zerbitzarian dagoela ziurtatu beharko da, behintzat.
  • Akademy-es 2010 jardunaldietan izen-eman izana.
  • Akademy-es 2010 jardunaldietako PGP Sinadura Festan izen-eman izana.

Nola eman dezaket izena?

Akademy-es 2010 jardunaldiak burutu baino lehen, antolakuntzak mezu bat bidaliko du e-posta bidez, parte-hartzaileak ekintzara izen-ematera animatuz eta partaideen eta besteek Festan egiaztatuko dituzten beraien PGP gakoen zerrenda izateko.

Zer eraman beharko dut Sinadura Festara?

  • Zure burua (beste edonork ezingo zaitu ordezkatu sinadura egiaztapen prozesuan zehar).
  • Argazkia duten eta nortasuna egiaztatzen duten bat edo bi agiri, adibidez: NAN, Gida-baimena, Pasaportea, …
  • Egiaztatuak eta sinatuak izatea nahi dituzun zure PGP gakoen xehetasunak:
    • ID gakoa, adibidez: 828D0C80
    • Oinatz digitala, adibidez: 7BFF 4105 F46B 7977 BD96 348C 1007 4FF8 828D 0C80
    • Mota, adibidez. DSA
    • Tamaina, adibidez: 1024
  • Antolakuntzak, formatu elektronikoan edo paperean, emandako Sinadura Festako parte-hartzaileen eta beraien PGP gakoen zerrenda.

Nola dabil PGP Sinadura Festa?

Sinadura Festan, antolakuntzak emandako partaide eta PGP gakoen zerrendarekin, bakoitzak besteek emandako datuak egiaztatuko ditu:

  1. Gakoaren jabea identifikatzea (ziurtatu behar duenarentzako erabat ezaguna izan daiteke, edo argazkia duten aurkeztutako agiri fidagarriei esker bermatu dezake)
  2. Identifikatutako erabiltzailearekin antolakuntzaren zerrendan agertzen diren datuak (ID gakoa, oinatz digitala, tamaina eta mota) zuzenak direla ziurtatzea.
  3. Beranduago sinatzeko gako hori markatzea.

Sinadura Festa ostean gakoak gako zerbitzaritik jaistea eta Sinadura Festan egiaztatutakoak bere norbanako PGP gakoarekin sinatzea. Ondoren, sinatutako gakoak ageriko PGP gako zerbitzari batera igotzea (ekintzaren PGP gako erreferentzia zerbitzarira bada hobe: pgp.rediris.es).

PGP/GnuPG-ri buruz

Pretty Good Privacy (PGP) zer den eta GNU Privacy Guard (GPG)-en erabilerari buruz informazio gehiago izateko, hurrengo estekak begiratu ditzakezu: