**¡Esta es una revisión vieja del documento!** ----

~~NOTOC~~ ====== Akademy-es 2010 ====== KDE-España erakundeak, Itsas, EHU/UPV-ko (Euskal Herriko Unibertsitatea) software libre taldearekin, eta Eusko Jaurlaritzako Kultura Sailaren laguntzarekin, **Akademy-es** jardunaldiak antolatuko ditu. KDE erabiltzaile eta garatzaileak batzen dituen jardunaldiak ditugu eta Bilboko Ingeniaritza Goi Eskola Teknikoan burutuko dira maiatzaren 7, 8 eta 9an. Egun horietan zehar hitzaldiak, tailerrak eta beste hainbat ekintza (irteerak, afariak, etab.) egongo dira. Hurrengoak dira horien helburuak: * Estatu osoko KDE garatzaileak elkartzea martxan dauden proiektuei buruz mintza daitezen, eta kodea, esperientziak eta ezagutzak truka ditzaten. * Unibertsitateko irakasle eta ikasleek KDE-ren gaitasun eta onuren berri ematea, ingurune honekin zerikusia duten Karrera Amaierako Proiektuen sorrera eta horiekin batera komunitatearen hazkuntza indartzeko. * KDE mahaigain eta garapen ingurune gisa profil teknikorik ez duten pertsonei ezagutzera ematea. Eta, nola ez, helburu nagusia guztiok software libreari buruz, eta bereziki KDE-z, gehiago ikasiz gozatzea dugu. ====== Zer da KDE? ====== [[http://www.kde.org/|KDE]] izen bereko "mahaigain ingurunea" sortzeko "software libre proiektua" dugu. GNU/Linux, Mac edo Windows bezalako zenbait sistema eragilerentzat "garapen azpiegitura" ere bada. Ofimatika, lan taldera bideratutakoak, multimedia programak, web aplikazioak, hezkuntza programak, jokoak eta beste hamaika KDE pakete daude eskuragarri. Itxura erakargarriak nabarmentzen du KDE, baita konfigurazio aukera anitzek eta erabilera erraztasunak ere. Gainera, lizentzia libreak dituzten, eta, ondorioz, libreki erabili eta banatu daitezkeen programa ugari ditu eskuragarri. ====== Zer da Itsas? ====== [[http://itsas.ehu.es/|Itsas]] unibertsitate mailan software librea, estandar irekiak eta kultura librearen idealak bultzatu nahi dituen UPV/EHU-ko Software Libre Taldea da. Talde heterogeneoa dugu, fakultate ezberdinetan zehar banatutako kideak dituena, eta unibertsitateko estamentu ezberdinekoak direnak (irakasleak, ikertzaileak, ikasleak, etab.). UPV/EHU kanpoko kideak ere badaude gure artean. Taldearen izaera guztiz irekia da, eta gure ongi etorria izango du laguntzera datorren edonor, laguntzera eta aipatutako idealak gure unibertsitatean bultzatzera alegia. ====== KDE-España-ri buruzko informazioa ====== [[http://es.kde.org |KDE España]] KDE proiektua garatu eta laguntzen duten pertsonek osatutako taldea dugu, KDE mahaigainean garapena eta erabilera dinamizatzeko xedez sortua. Haien artean KDE garatzaile anitz aurkitu ditzakegu: programatzaileak, pakete-egileak, dokumentatzaileak, itzultzaileak eta artistak.